鄧小巧獲封「銀妹」 陳健安奪叱咤2獎爆喊

《2019年度叱咤樂壇流行榜頒獎典禮》前晚圓滿落幕，寰亞唱片勇奪九個獎項成大贏家。當中首次推出個人專輯即獲得唱作人金獎的陳健安（On仔），以及奪女歌手銀獎的鄧小巧同樣激動落淚，場面感人。

前晚，當商台宣布陳健安憑歌曲《一吻穿越四十六億歲》位列「叱咤十大」第九位時，On仔已經忍不住哭了出來，鄧小巧與Nowhere Boys主音Van見狀擁抱安慰他。其後，On仔得知獲唱作人金獎，他激動得哭着說︰「我講唔到嘢！我一直覺得自己係攞亞軍嘅人，但今次我攞A，好似發緊夢，感覺好正。要好多謝幾位好兄弟，記得單飛後有晚一齊飲嘢，有個兄弟搭住我膊頭話，你寫啲歌得㗎，你一定要上台呀，當時我答唔到佢，依家我可以喺呢度多謝佢。最後，我熱愛香港，熱愛生命，希望可以排除任何恐懼，繼續自由創作，堅持，加油。」

姜濤感激Kay教導

從未想過會得到叱咤女歌手銀獎的鄧小巧，領獎時亦哭成淚人，更被公司同事取笑做「銀妹」，她笑說︰「我真係好開心、好開心，我準備飛去一個小島尋找自己，學習瑜伽，然後計劃今年嘅工作。」

至於獲得叱咤新力軍銅獎的姜濤，對於自己得獎大感意外︰「本身無諗過自己會攞獎，所以真正得獎嘅一刻，先發現每個獎項對於歌手嚟講，都係好大嘅動力，今次十分激勵鬥志。」姜濤在頒獎禮中，更與謝安琪（Kay）合作演出，他說︰「同Kay合作係好意外嘅事，當初知道時壓力好大，因為知自己唱歌方面，仍有好大嘅進步空間，所以懷疑自己係咪有實力同Kay合作演出。Kay好耐心地教導我，所以好感激佢。」

撰文︰倪小珊

編輯︰李潔盈

美術︰梁政敏